Higjiena e mirë orale nënkupton një gojë e cila duket dhe e cila nuhat shëndetshëm. Kjo do të thotë:
• Dhëmbët tuaj janë të pastër dhe pa copëza ushqimi.
• Gingivat janë ngjyrë karafili dhe nuk dhëmbin ose gjakosin kur ju i pastroni me brushë ose me pe për pastrim të dhëmbëve.
• Era e keqe nuk është ndonjë problem konstant.
Nëse gingiva juaj (mishi rreth dhëmbëve) dhemb ose gjakon përderisa
ju i pastroni dhëmbët me brushë ose me pe për dhëmbë, por edhe nëse keni
një erë të rëndë të vazhdueshme në gojë, vizitoni dentistin tuaj. Ai
mund t’ju ndihmojë për të mësuar metoda të mira orale dhe të nxjerrë në
pah zonat e gojës tuaj, të cilat mund të kenë nevojë për një ekstra
kujdes gjatë pastrimit.
Si praktikohet higjiena e mirë orale?
Të mbash një higjienë të mirë orale është një prej gjërave më të
rëndësishme që mund t’i bëni për dhëmbët dhe gingivat e juaja. Dhëmbët e
shëndetshëm jo vetëm ju mundësojnë të dukeni dhe ndjeheni mirë, ata ju
mundësojnë të hani dhe flisni ashtu si duhet. Një shëndet i mirë oral
është i shëndetshëm edhe për mirëqenien tuaj të përgjithshme.
Kujdesi i përditshëm preventiv, që përfshin pastrimin e nevojshëm me
brushë dhe penj, do të ju ndihmojë t’i ndërpritni problemet para se ata
të zhvillohen dhe është më pak e vështirë, më pak e shtrenjtë dhe më pak
shqetësuese se sa mjekimi i gjendjeve pasi ata të lejohen të
përkeqësohen në gojën tuaj.
Krahas vizitës së rregullt që duhet t’i bëni dentistit tuaj, ja edhe
disa hapa të thjeshtë të cilët të gjithë duhet t’i ndjekin për një ulje
të dukshme të rrezikut nga prishja e dhëmbëve, sëmundjet e gingivave dhe
problemet tjera dentale. Këta hapa përfshijnë:
• Pastrimi i tërësishëm me brushë dy herë në ditë dhe pastrimi me pe për dhëmbë çdo ditë
• Ngrënia e ushqimit të balancuar dhe një ndarje e sasive mes ushqimeve
• Përdorimi i produkteve dentale që përmbajnë fluor, përfshirë edhe pastat e dhëmbëve
• Shpëlarja me gargara që përmbajnë fluorure, nëse mjeku ju thotë po ashtu
• Sigurohuni që fëmija juaj, nën 12 vjet, të pijë ujë të fluoruar ose të merr shtesa nëse jetoni në zona jo të pasura me fluor.
|