Të sëmurit nga veshka në dializë, të cilët tri herë në javë
konsumojnë nga gjysmë gote me lëng nga shega, më pak i janë të ekspozuar
rrezikut të prekjes nga infeksionet, që janë shkaktari kryesor i
vdekjes në mesin e këtyre pacientëve, sugjerojnë ekspertët izraelitë nga
spitali i Galilesë perëndimore në Nahari. 
Hulumtimi ishte kryer tek 110 pacientë, prej të cilëve gjysma e tyre
për një vit rresht tri herë në javë e kishin konsumuar këtë lëng,
përderisa gjysma tjetër kishte konsumuar një lëng tjetër.
Tek ata pacientë që kishin konsumuar lëngun e shegës, në gjak ishte
vërejtur një përqendrim më i vogël i molekulave inflamatore dhe më
rrallë kishin nevojë për hospitalizim. Dializa përndryshe shkakton
rritjen e përqendrimit të radikalëve të lirë në gjak, prandaj pacientët
më shumë u janë të ekspozuar infeksioneve. Dr. Batia Kristal,
udhëheqëse e ekipit izraelit, ka përmendur se në tre vjetët e fundit
hulumtimet kanë treguar se nga të gjitha llojet e pemëve dhe perimeve
shega posedon sasinë më të lartë të antioksiduesve të polifenolit, që
parandalojnë dëmtimin e qelizave të shkaktuara nga radikalët e lirë.
|
| Të gjitha të drejtat e rezervuara ©2010-2011 Shkencë dhe Teknologji