Për një kohë të gjatë qarkullojnë polemika rreth asaj se a do të duhej shtatzënat dhe gratë të cilat ushqejnë foshnjat me qumështin nga gjiri nuk do të duhej të konsumojnë arrat, ngase në këtë mënyrë shtohen mundësia e rritjes së mundësive për zhvillim të alergjive te foshnjat.
Pediatri Skot Sishirer nga spitali Sinai në Nju-Jork thotë se faktet për një gjë të tillë edhe më tutje nuk janë të mjaftueshëm për t’ua ndaluar shtatzënave konsumimin e arrave.
Ai në këtë mënyrë ka tentuar ta largojë polemikën e madhe e cila mbizotëron te shkencëtarët për vite me radhë.
Hulumtimi i cili ishte kryer në 503 fëmijë, nga mosha tre deri në 15 muaj, ka treguar se 140 prej tyre janë të ndjeshëm në arra dhe në perime me lëvore të fortë, përderisa nënat e tyre në masë të madhe kishin konsumuar këto perime gjatë shtatzënisë së tyre. Mirëpo, sipas pediatrit Sishirer, kjo vlen vetëm për foshnjat të cilat janë të ndjeshme në alergjitë e po ashtu kjo mund të shihet edhe si trashëguese. Nëse kjo është rastësi, atëherë nuk ka arsye që t’i përjashtoni arrat nga ushqimi i shtatzënisë.
Instituti amerikan për shëndetësi Sishirerit dhe ekipit të tij u kishte dhuruar 30 milionë dollarë që të merren me këtë problem, nëse arrat, vezët dhe qumështi shtojnë rrezikun e alergjive te foshnjat.