Stresi i përditshëm emocional mund të ndikojë në rritjen dhe zhvillimin e tumoreve, thekson një ekip i hulumtuesve gjenetikë nga universiteti Jejl. Pas hulumtimeve në gjene, shkencëtarët kanë ardhur në përfundim se çdo dridhje psikike që njeriu pëson, emocionalisht apo fizikisht, hap rrugën për mutacionet e qelizave, që janë shkaktar i shfaqjes së qelizave të tumorit dhe sëmundjeve malinje. Sipas mjekëve edhe qëndrimi pozitiv zgjat jetën atyre pacientëve me metastazë. Ekipi nga Jejl thekson se stresi i përditshëm, të cilin njeriu e has në punë apo familje, mund të sjellë mutacione të ndryshme në qeliza, e jo vetëm në një qelizë, janë në rrugë që të shkaktojnë një lidhje që shfaq kancerin. - Stresi i fortë në vendin e punës mund të jetë një nxitës për shumë sëmundje, prej të cilave njerëzit as që kanë idenë se ekzistojnë. Sëmundjet varen edhe nga shumë faktorë të tjerë të jashtëm, kualitetit dhe personalitetit të individit, përkrahjes nga familja, faktorët psikikë nga rrethi ku jeton...etj. Sipas mjekëve, shkurorëzimi nuk mund të jetë njëri nga faktorët që mundet të sjellë kancerin e gjirit, por mund të jetë si faktor përshpejtues në lajmërimin e simptomave. Emocionet dhe stresi të cilat i përjetojmë për çdo ditë nuk munden vetvetiu të sjellin kancerin, por mund të ndikojnë që kjo të shfaqet shumë më herët. Stresi ndikon në shfaqjen e sëmundjes. Shkencëtarët pajtohen se edhe pse stresi është pjesë e përditshmërisë sonë, e njeriut modern, një ndikim të madh në shfaqjen e sëmundjeve malinje kanë edhe mënyra e gabuar e jetës dhe ushqimi. Stresi, të cilit i ekspozohemi për një kohë të gjatë, mund të kontribuojë në shfaqjen e sëmundjeve, por kurrsesi nuk mund të themi se dikush ka kancer si pasojë e stresit.
|