Studimet më të reja kanë vërtetuar se vaji i peshkut në shumë mënyra është i dobishëm, mund të parandalojë rrezikun nga kanceri i gjirit, mbron nga sulmi në tru, ndihmon në parandalimin e sëmundjeve mendore dhe shfaqjes së sëmundjes së Alzhaimerit.

Mirëpo, për ata të cilët tashmë janë të prekur nga sëmundja e Alzhaimerit, studimi i ri ka vërtetuar se vaji i peshkut nuk do ta ngadalësojë zhvillimin e sëmundjes.

Hulumtuesit po tentojnë të gjejnë mënyrën ta parandalojnë apo ngadalësojnë mënyrën e zhvillimit të sëmundjes së Alzhaimerit, më së shpeshti llojin e demencës.

Organizata botërore e luftës kundër sëmundjes së Alzhaimerit ka deklaruar se për momentin më shumë se 35 milionë njerëz jetojnë me këtë sëmundje dhe me demencë, si dhe që 60% e këtyre rasteve vijnë nga vendet e zhvilluara. Kjo organizatë pret që deri në vitin 2030 ky numër të trefishohet, nëse nuk gjendet ndonjë mënyrë e parandalimit të sëmundjes.

Mjeku Xhozef Kuin është specialist për demencë në universitetin shtetit Oregon dhe në hulumtimin e tij ka vendosur të përqendrohet në përbërësin kryesor, vajin e peshkut.

Mjeku Kuin dhe hulumtuesit e tjerë kanë vëzhguar 400 pacientë me sëmundjen e Alzhaimerit. 60% prej tyre kishin marrë vajin e peshkut, ndërsa 40% një ilaç tjetër.

Pas 18 muajve të testimeve, rezultatet ishin se ky përbërës nuk kishte zvogëluar përparimin e sëmundjes te njerëzit që tashmë kishin diagnozën e caktuar, thotë dr. Kuin.