Menaxheri i Interit, Rafa Benitez, nuk mund të gjejë gjëra pozitive në disfatën e mbrëmshme prej 3-1 nga Lazio.
“E vetmja gjë pozitive ishte reagimi në pjesën e dytë dhe mënyra se si ekipi kërkoi golin. Lazio luajti shumë mirë, por në fund shansi i Ivan Cordoba mund ta kishte bërë diferencën. Ne dëshiruam ta kontrollojmë ndeshjen dhe të gjejmë ekuilibrin, por ata kaluan në epërsi falë një gabimi në mbulim”.
“Para kësaj, Lazio nuk kishte shanse të mira. Gjithçka shkoi në të mirë të tyre. Thiago Motta ende nuk është 100 % i gatshëm, andaj në kundërsulme ne vuanim për shkak të mungesës së ritmit”, ka thënë Benitez.
