1- Kushdo që ofendon një person në çfarëdolloj mënyrë, sidomos duke përdorur gjeste dhe gjuhë ofenduese, ose nëse shkel parimet e “fair-play”, ose kryen sjellje josportive në çfarëdolloj mënyre, mund të dënohet me përjashtim nga veprimtaritë, nga garat ose kampionatet kombëtare. Në raste të veçanta zbatohen dënimet si më poshtë: a) Trajneri ose lojtari i cili proteston ndaj vendimeve të arbitrit me gjeste ose fjalë ofenduese dënohet me gjobë me vlerë 100 000 (njëqindmijë) lekë dhe pezullohet 2 (dy) ndeshje.
Neni 49 - Sjellja e keqe ndaj zyrtarëve të ndeshjes
1- Një lojtari që dënohet me masën ndëshkimore largim nga ndeshja (karton i kuq) i drejtpërdrejtë, pavarësisht pezullimeve të dhëna në përputhje me Kreun 1, seksioni 2, Neni 18, pika 3, do t’i jepen dhe pezullimet si më poshtë:
a) Të paktën 4 (katër) ndeshje për sjellje josportive ndaj zyrtarëve të ndeshjes.
b) Të paktën 12 (dymbëdhjetë) muaj për sulm ose dhunë (goditje më grusht, me bërryl, ose me shkelm) ndaj zyrtarëve të ndeshjes.
3- Në çdo rast zbatohet një dënim me gjobë nga 500 000 (pesëqind mijë) deri 1 000 000 (një milion) lekë.
Precedenti
Ledhatimi i Kalarit, 4 ndeshje pezullim
Renaldo Kalari i Kastriotit, vetëm pse e kapi në faqe kryesorin Laver Alla u dënua nga Disiplina 4 ndeshje pezullim dhe 100 000 lekë gjobë. Ishte pikërisht gjesti ofendues që i rëndoi pozitat e Kalarit. Çfarë bëri më pak Ditmar Bici ndaj Dodës, që u pezullua vetëm 2 ndeshje? Me të drejtë përfaqësuesit e Kastriotit do të ngrinin zërin për këtë vendim me dy standarde.
