Angelina Jolie ëndërron për të jetuar një ditë në Afrikë me të dashurin Brad Pitt dhe fëmijët e tyre, kur karriera e tyre të mos jetë me shumë angazhime.
Ylli i “Tourist”, e cila është duke rritur gjashtë fëmijë me partnerin Brad Pitt, planifikon që të zhvendoset në kontinentin e Afrikës, kur të marrë më pak oferta për aktrim. “Unë mund të paramendoj se vitet e ardhshme mund të mos kem dhe aq shumë punë përpara. Nuk është se do të pensionohesha, por do të pranoja më pak oferta. E vërteta është se unë do të doja që të zhvendosesha në Afrikë. Do të më pëlqente që të kaloja sa më shumë kohë duke udhëtuar me aeroplan. Dhe artistikisht, do të ketë gjëra tjera të cilat mund t’i bëj”, ka thënë Jolie.
