Në tetor, Steve Jobs bëri një paraqitje të rrallë gjatë një konference për media - jo vetëm që të mburret me sasinë e të hyrave (me rekord të lartë) të kompanisë dhe fitimet, por gjithashtu edhe për dëshmuar se sa kompania e tij e kishte ndryshuar industrinë e telefonave të mençur mobil.
Për një tremujor, Apple ka shitur 14.1 milionë iPhone – duke e lënë pas rivalin RIM / BlackBerry me rreth 2 milion njësi.
"Ne tani kemi kaluar edhe RIM, dhe unë nuk shoh se si ata do ta zënë hapin me ne në të ardhmen, sepse ata duhet të transformohen në një kompani të softuerit, nëse dëshirojnë ta bëjnë një gjë të tillë" pati thënë Jobs. "Unë mendoj se kjo është një sfidë për ata. Prej nga do t’i marrin zhvilluesit."
Mirëpo, tregu amerikan thotë se kjo ishte një konstatim i ngutshëm i Jobs. Sipas një raporti të lëshuar nga Reuters, thuhet se RIM e ka arritur rivalin Apple. Në tre muajt e fundit, RIM ka shitur rreth 14.1 milionë telefona BlackBerry, ngjashëm sikurse Apple në tremujorin e mëparshëm.