Shkencëtarët nga Minesota kanë zbuluar fakte interesante se një lugë uthull nga molla e konsumuar në ditë ndihmon në ngritjen e nivelit së kolesterolit të mirë HDL. Pjesëmarrësit të cilin kishin marrë pjesë në hulumtim çdo ditë kishin konsumuar nga një lugë të vogël me uthull të mollës, ndërsa pas tetë javësh, aq sa edhe kishte zgjatur hulumtimi, niveli i tyre i kolesterolit të mirë ishte përmirësuar në krahasim me grupin tjetër të pjesëmarrësve në hulumtim, të cilët kishin marrë placebo, që kishte përmbajtur uthull balsami në ujë. Po ashtu, është e njohur se uthulla shtëpiake e mollës ndihmon kundër sëmundjes së artritit dhe gihtit.
Si prodhohet uthulla shtëpiake nga molla? - Nevojiten mollë të forta dhe sheqer. Mollët duhet pastruar mirë, e më pas së bashku edhe me fara të imtësohen dhe të futen në makinën që bluan mishin. Së bashku me lëngun që lëshojnë duhet të futen në një tenxhere më të madhe. Më pas duhet shtuar 100 gr. sheqer, të gjitha të përzihen mirë e mirë dhe ena të mbulohet me një garzë të pastër. Kohë pas kohe duhet ta kontrolloni dhe ta përzieni. Ena duhet të vendoset në një vend ku temperatura nuk bie në 18 gradë celsius dhe nuk kalon 25 gradën. Fermentimi zgjat prej 25 deri 30 ditë. Pas përfundimit të procesit uthulla në mënyrë të kujdesshme vendoset në shishe të pastra
|